Македонски манифест

[DedoAleko]

Македонски манифест: Итно да се прекинат преговорите за
името


Итен прекин на преговорите за спорот со името со Грција и барање за прием во Обединетите нации под името Република Македонија, бараат група интелектуалци од Македонија. Со промената на името, сметаат тие, ќе се обезличи државата и ќе укине македонскиот народ.

- Притисокот за промена на името може да се квалификува како најнов вид геноцид, по физичкиот, јазичкиот и религискиот сегмент, што е модерна измислица на САД и на ЕУ, базирана на нелегалните барања на Грција, се вели во Македонскиот манифест кој досега го потпишаа 50-тина интелектуалци, уметници, професори, правници, а чија содржина денеска беше презентирана на прес-конференција.

Во него се додава дека со барање за промена на името на Македонија на повидок е нов, софистициран вид холокауст врз Македонците.

- Името е архетип на душата на еден народ, извор на неговиот севкупен идентитет. Изместувањето на само една буква или лепење на придавка претставува негова деструкција, изместување на народот од неговото историско, цивилизациско, антрополошко и културно лежиште, се вели во Манифестот.

Иницијативниот одбор на Македонскиот манифест смета дека секој граѓанин во Македонија треба да знае дека промената на името не е обична работа, туку дека неговата цел е бришење на Македонците како посебен народ. Географската определница пред името Македонија за севкупна употреба, на што инсистира Грција, велат, значи неизбежно губење на македонскиот идентитет, културата, традицијата и јазикот.

- Легитимни се и неспорни аспирациите на Македонија за членство во НАТО и ЕУ, меѓутоа, тоа во никој случај не смее да се реализира со виткање на ’рбетот и губење на достоинството. Нема цена која може да го натера народот да потклекне и да се самоукине. Македонците се исклучиво трпелив и толерантен народ, ама за се има свои граници, се истакнува во Македонскиот манифест.

Во него иницијаторите порачуваат дека Македонците први го носеле, и го носат името Македонија, оти само тие низ вековите го сочувале, и никој нема право да им го оспори или одземе.

Од Иницијативниот одбор истакнуваат и дека се против референдумско изјаснување на граѓаните за ова прашање. Вакво клучно и судбинско прашање не се става на референдум. Името не ни е добиено да референдум, за така да се решава. Тоа е идентитетско прашање, истакнуваат од Иницијативниот одбор.

Манифестот ќе можат да го потпишат сите граѓани во Македонија и да му порачаат на светот дека на оваа територија живеат Македонци, кои не се согласуваат со промената на името и оти нема да потклекнат на притисоците. Со сите собрани потписи Македонскиот манифест ќе биде испратен до државните институции, амбасади, Брисел, ОН…

Во иницијативниот одбор на Македонскиот манифест се поетот Ефтим Клетников, композиторот и диригент Запро Запров, историчарот Стефан Влахов Мицов, универзитетскиот професор Слободан Пренџов, писателот Александар Русјаков и композиторот Стојан Стојков.

izvor: http://toppost.mk/2013/05/29/%D0%BC%...A%D0%B8%D0%BD/

[DedoAleko]

Еве како ќе можете да се потпишете на Македонскиот манифест

На 2 јуни (недела) во 13 часот пред Порта Македонија ќе можете да се потпишете на Македонскиот манифест. За сите заинтресирани кои не се во можност да дојдат пред Порта Македонија, а сакаат да се потпишат на манифестот, својот потпис можат да го дадат по електронски пат, односно, да напишете ваши податоци- име и презиме да го сканирате својот потпис и заедно со Македонскиот манифест (кој можете да го преземете од текстов) да го испратите на меил адресата [email protected].

Со Македонскиот манифест се бара итно прекинување на преговорите за иметоа, а иницијатори се универзитетски професори, интелектуалци, меѓу кои и поетот Ефтим Клетников и режисерот и писател Александар Русјаков.

Ви го пренесуваме Македонскиот манифест интегрално.

М А К Е Д О Н С К И М А Н И Ф Е С Т

Ви се обраќаме свесни дека се ближи конечното обезличување на македонскиот народ и негово разнебитување преку прекрстување на Македонија. Притисокот за промена на Името може да се квалификува како најнов вид геноцид (по физичкиот, јазичкиот и религискиот) што е модерна измислица на САД и на ЕУ, базирана на нелегалните барања на Грција. На повидок е нов, софистициран вид холокауст врз Македонците. Името е архетип на душата на еден народ, извор на неговиот севкупен идентитет. Изместувањето на само една буква, или лепење на придавка претставува негова деструкција, изместување на народот од неговото историско, цивилизациско, антрополошко и културно лежиште. Во жестоките обиди да се откажеме од сопствениот идентитет, нè уверуваат дека во спротивно ќе ја загубиме државата, не знаејќи колку столетија не сме имале држава, но сме имале идентитет, сме стоеле исконски во Името и во неговите духовни и историски вредности.

Македонија и Македонците несебично му дадоа на светот голем број цивилизациски дарови и сега истата таа Македонија под притисок бараат да се самоукине.

Нашата грижа и немир се реални бидејќи решение за наметнатиот спор – не е можен, со оглед дека целта е бришење на Македонците како посебен народ. Географската определница пред Името Македонија, за севкупна употреба, на што инсистира Грција, значи неизбежно губење на македонскиот идентитет, култура, традиција и јазик.

Оваа 2013 година е црн јубилеј, стогодишнина од парчосувањето на Македонија меѓу Грција, Бугарија и Србија со амин на големите европски сили, истите тие, кои денес притискаат да се смени Името за да се прекрстат Македонците.

Поради безобразниот ултиматум, поставен како услов за членство во ООН, Македонија е принудена да разговара за своето Име, што е бесмислено. Потоа, за да опстане државата, чија граница беше нелегално блокирана скоро две години, од страна на Грција, беше потпишана привремена спогодба. И во двата случаи, беа направени огромни и незамисливи идентитетски отстапки: промена на знаме и устав, отстапи кои ништо не донесоа освен барања за нови.

Бидејќи поминаа веќе 20 години а медијацијата во Њујорк се покажа како нефункционална, време е да се покрене иницијатива за нејзино прекинување и да се побара враќање на уставното Име на државата во ООН, што и беше нелегално оспорено во 1993 година.

Легитимни се и неоспорни аспирациите на Македонија за членство во НАТО и ЕУ. Меѓутоа, тоа во никој случај не смее да се реализира со виткање на ‘рбетот и губење на достоинството. Нема цена која може да го натера народот да потклекне и да се самоукине. Македонците се исклучиво трпелив и толерантен народ ама сè има свои граници.

Како резултат на екстремните мегаломански идеи, македонскиот народ е оспоруван од соседите. Токму поради тоа, Македонија не смее да прифати промена на сопственото вековно Име без разлика на сите притисоци и закани бидејќи тоа ќе го доведе во прашање мирот и во земјата, и во целиот регион.

Од друга страна, Бадентеровата комисија, Резолуцијата на ООН, Привремената спогодба и одлуката на судот за човекови права во Хаг се акти кои не дозволуваат никакви идентитетски деструкции какви што се заговараат.

Како знак на кооперативност, македонските власти изразија спремност да се оди на референдум, како највисок степен на демократско решавање на проблемите. Меѓутоа, со оглед дека е во прашање идентитетот на вековен народ оваа генерација нема право сама да одлучува ниту во име на своите дедовци и прадедовци, ниту во име на идните генерации. Никој не може да се осмели да копа по гробовите на познатите и непознатите херои кои ги положиле животите за оваа земја. И не само затоа!

На референдумот, одржан на 8 септември 1991 година, 95,26% од граѓаните гласаа за независна држава, која се вика –Република Македонија.

Одењето на референдум во овој случај нема да биде израз на слободна волја, затоа што ќе мора да гласаме за Име кое и Грција го прифатила (инаку која е логиката да гласаме за нешто што Грција одбила), а веќе знаеме, кои се црвените линии на Атина, промена на Име со географска определница (додавка пред Името) за севкупна употреба што е пропаст за нашето постоење.

Вакво клучно и судбинско прашање не се става на референдум. Тоа е несериозно. Името не ни е добиено на референдум за да се решава на референдум.

Треба да ви биде позната симболиката од минатото. И Исус Христос беше ставен на референдум. Народот доби можност да избира кој да биде погубен, убиецот Варава или Месијата и тој, народот, под притисок на фарисеите (денес тоа би биле политичарите) го избра Варава да биде слободниот, а Исус го однесоа да го распнат на Голгота. Народот одлучи, Понтиј Пилат си ги изми рацете. Голема е веројатноста такво нешто да се случи и со референдумот за нашето Име. Никој, и по никаква цена, не смее да ја преземе улогата на Понтиј Пилат.

Очекуваме дека ќе проработи свеста и совеста на сите искрени и добронамерни за да го кренеме својот глас против неправдите со кои се соочува македонскиот народ, кој се бори за своето универзално право на самоидентификација. Не треба да се заборава дека утре, на негово место може да биде било кој друг. Толерирањето на злоупотребите нè прави сите соучесници.

Да им кажеме решително НЕ на сите политички манипулации.

Први во светот го носевме и го носиме Името Македонија и никој нема право да ни го оспори или одземе…

izvor: http://toppost.mk/2013/05/31/%D0%B5%...-%D0%BC%D0%B0/

[makedonche]

Eto sega mi bouchi poike vjastno srceto!

[DedoAleko]

На иницијатива на група интелектуалци

Продолжува потпишувањето на Македонскиот манифест

izvor: http://www.mkd.mk/makedonija/politik...skiot-manifest

[George S.]

that article is spot on DA.

[makedonche]

На иницијатива на група интелектуалци

Продолжува потпишувањето на Македонскиот манифест

izvor: http://www.mkd.mk/makedonija/politik...skiot-manifest

Neka se zdravi i zhivi da go do svrushai ova rabota!
I neka nema eden Makedonetz sho ne si go klai imeto i pismoto na ova manifesto, tolgai ke vidime sho ke se smeni i sho ne ke se smeni!

[DedoAleko]

Отворено писмо до Филип Рикер, заменик државен секретар на САД: МАКЕДОНИЈА И МАКЕДОНЦИ – ЗАСЕКОГАШ

Господине Филип Рикер, не знаеме, до заклучувањето на писмово до Вас, дали се уште сте во балканскиот вилает (во некоја, како што би рекол Мирослав Крлежа, „темна балканска крчма“), или сте во некоја исто таква меѓународна крчма, можеби веќе во удобната фотелја на Стејт Департментот во САД од каде се управува со судбината на светот.

Вие, колку што ни е познато, бевте тука за да се видите и да помуабетите со Јадранската група кандидатки за НАТО, во која спаѓа и Македонија. Патем, Вие дојдовте и со една подидеја, доколку тоа и не беше главната Ваша идеја, а посетатата на јадранските НАТО-вци само изговор за тоа. Имено, Вие јавно ја повикавте нашата влада, а со тоа и Македонците, да покренат јавна демократска дебата за проблемот со Името (гледате дека ние него го пишуваме со голема буква!), што ќе рече за нашето преименување на кое Вие и Вашата држава толку суптилно(?!) инсистирате. Притоа го имате предвид најновиот предлог на Метју Нимиц: Горна Република Македонија.

Дорбо, г. Рикер. Прво, ние немаме проблем со Името. Тоа е проблем на Грците чиј фашистички концепт за уништување на идентитетот на еден древен народ и негово бришење од светската карта на народите, за жал, го поддржувате и Вие, Вашата држава и ЕУ. А тоа е голем срам и за Вас и за нив, бидејќи тука отсуствува елементарно чувство за правда и вистинољубивост, вредности што Вие ги немате, а со кои толку многу се гордеете.

Патем, какво е тоа искрено пријателство ако ни го признавте Името (лукаво – за со нашите квислинзи да ја реализирате територијалната поделба во 2004 г.), а сега силно не притискате да го смениме. А што ќе правиме со оние повеќе од 130 држави што ни го признаа Името?! Да го смениме ли и да им речеме: извинете, не се викаме така, сега викајте не поинаку, со новото име! Што мислите, г. Филип Рикер, зарем овој народ е толку глуп и без самопочит? Таков ли е Вашиот заклучок од дипломатскиот престој во Македонија? Многу сте се излажале и затоа повлечете ја Вашата перфидна идеја за кукавичка дебата за проблемот со Името, кој ние го немаме.

Ако сакате дебата, и ние можеме да Ви предложиме. Дајте да дебатираме за Авганистан, за Ирак, за Сирија, за Гвантанамо, за Индијанците… Доколку, пак, сакате на македонска тема, поставете дебата за 2001-та за која Вашиот актуелен амбасадор кај нас јасно изјави дека била агенда на САД. А во 2001-та се пишуваше со ножеви врз кожата на невини македонски цивили, од вашите борци за човекови права се врзуваа со бодликав тел и се креваа во воздух со динамит под нив. Дајте да дебатираме за Охридскиот договор, или за територијалната поделба, кои по се изгледа исто така се американска агенда и чии катастрофални дефекти по однос на Македонците Вие воопшто не сакате да ги видите. Или дебата за пописот за кој Албанците не сакаат да чујат за да не излезе на видело нивниот вистински процент. Можеби и тоа е Ваша агенда.

Или и Вие, г. Филип Рикер, како Гркот Папуљас сметате дека веќе му дошол крајот на македонизмот и на македонското Име? Мислите ли декат НАТО и ЕУ се доволни за да се самоукинеме, како што не притискате? Не, се лажете, нема никаква цена за откуп на нашето Име, г. Филип Рикер. Врз македонскиот народ веќе две децении се врши страшен притисок идентитетски да се избрише, да се самоукине со промена на Името. Но, сфатете дека никој од нас нема право тоа да го стори: ниту владата, ниту народот. Никој! Освен, се разбира, некои силни империјални бомбардери и беспилотни летала – убијци, што делат правда низ светот, низ нови Хирошими и Нагасаки.

Врз македонскиот народ цели две децении се врши перфиден психолошки притисок за да се доведе до апатија и рамнодушност, па да рече: па добро, доста е, се согласуваме! Но, тоа нема да се случи, г. Филип Рикер. Се надеваме дека нема да ја доживееме судбината на Хазарите и на Индијанците, сега на еден перфиден но софистициран геноциден начин. Ќе одиме од град во град, од село во село, од човек до човек, нема да дозволиме да падне и да заспие духот на Македонците. Да знаете дека и неродените деца, зачнати во бакнежот на македонските љубовници, го носат печатот на нашето исконско Име и за ништо на светот него нема да го предадат. Кажете им го тоа на Папуљас, на Грците и на Американците. И откажете се од организирање дебата за Името. Ние таа дебата веќе ја отворивме со „Македонскиот манифест“, кој ќе Ви го испратиме и во кој порачуваме дека засекогаш и секаде остануваме Македонија и Македонци! Точка. Откажете се и Вие и Грците од идејата да не преименувате, а со тоа и да ја споделите нашата историска меморија и да не избришете од светската карта на народите. Во тој случај ќе треба и најсветата книга над книгите – Светото Писмо – да го фалсификувате, бидејќи таму Македонија и Македонците се обележани со Божји печат. А и таа веќе се фалсификува во таа насока. Но…

Откажете се од намерата за наше преименување. Откажете се засекогаш. Бидете ни искрен пријател, Вие и Американците. Тоа Ви доликува.

Со почит: Ефтим Клетников, Запро Запров, Георги Барбаровски, Стојан Стојков, Стефан Влахов Мицов, Слободан Пренџов, Васил Атанасов и Александар Русјаков, членови на Иницијативниот одбор на „Македонски манифест“

izvor: http://toppost.mk/2013/06/24/%D0%BE%...D%D0%B8%D0%BA/

[DedoAleko]

Каравнот на манифестот за прекин на преговорите за името на Македонија тргна од Неготино



Караванот на Македонскиот манифест за прекин на преговорите за името денескa тргна од Неготино. Откако група интелектуалнци го промовираа манифестот во Скопје, денеска тие дојдоа на средба со неготинчани, за да им ја презентираат неговата суштина. Започна и собирањето на потписи од страна на граѓаните на Неготино за поддршка на овој манифест.

- Ние сме против референдум за името бидејќи такво важно прашање не се става на референдум. Референдумот е еден вид коцкање од кое никогаш не го знаете конечниот резултат. Со референдумот за територијална поделба многу добро се изгоревме па и ова ако пламне сега ние ќе одиме во ништо, нагласи во изјава за медиумите поетот Ефтим Клетников.

Тој истакна дека го прочитал последното интервју на премиерот кој, како што рече, многу отворено кажува дека целта на западот е да ни го сменат името и оти дури тогаш ќе не примат кај што сакаме.

Од манифестот истакнуваат дека имаат поддршка како од македонските граѓани, така и од иселениците. Планираат да соберат околу 150 илјади потписи, и се залагаат преговорите да прекинат.


Во иницијативниот одбор на Македонскиот манифест се поетот Ефтим Клетников, композиторот и диригент Запро Запров, историчарот Стефан Влахов Мицов, универзитетскиот професор Слободан Пренџов, писателот Александар Русјаков и композиторот Стојан Стојков,...

izvor: http://sitel.com.mk/mk/karavnot-na-m...na-od-negotino

[George S.]

very well meaning words but will the politicians learn.?

[makedonche]

I commend their actions and wish them well in gathering the signiatures, which should only take a few days if just half on the Macedonians in the ROM woke up to themselves before their name is sold/traded away!

[George S.]

who gave grujo et all the right to bargain with our name?Definitely the people need to revolt why isn't the rom govt telling the greek govt to piss off as we won't entertain the thought of even thinking of a change in name.Whilst that is a start the politicians are miles away,they don't comprehend the message sent home.

[DedoAleko]

На плоштадот „Македонија“ запален е Букурешкиот договор (ФОТО+ВИДЕО)

Како да се одбраниме од вампиризмот на новиот Букурешки договор на истите европски сили, кој сака да не докрајчи, сега со замисленото менување на името, изјави денеска писателот Ефтим Клетников, член на групата „Македонски манфисет“ која денеска на плоштадот „Македонија“ во во Скопје го запали Букурешкиот договор.

Утре се навршуваат 100 години од Букурешкиот мировен договор кој, иако привремено им става крај на Балканските војни, за нас, Македонците, е најголемата историска неправда, зашто ја официјализира поделбата на Македонија меѓу соседите Грција, Бугарија и Србија. Распарчувањето на Македонија се случува под патронат на големите сили“, изјави еден од иницијаторите Александар Русјаков, режисер и писател.

Со ова палење, групата Македонски манифест ја изразува ништовноста на тој акт за Република Македонија и истовремено го крева гласот против скриените обиди и отворените притисоци на меѓународната заедница да ја повампири историјата за да се продолжи геноцидот врз Македонците.

„Го запаливме кобниот Букурешки договор како ништовен за нас и како порака до сите што сакаат на најперфиден начин да не ликвидираат дека не се сме заспани, туку дека сме будни пред злото што тропна на нашата врата и дека ќе му се спротивставиме со сите возможни средства.... Денес Европа го поддржува фашистичкиот концепт на Грција и на нејзината „Златна зора“ што произведува геноциден мрак. Таа ги затвора очите пред тој фашистички налет затоа што можеби сака да го сокрие фашизмот во сопствениот двор. Но до кога?... Ние, групата Македонски манифест под мотото Името е нашата татковина го повикуваме македонскиот народ на единство и натпартиска слога и свест. Го повикуваме да се разбуди и цврсто да застане во исконот на својот идентитет, да се побуни против неговата изолација од срамните преговори за Името и да им каже НЕ на сите што прават сметка во крчма без него... Нашата порака со палењето на кобниот Букурешки договор е упатена до сите моќници што сакаат да не уништат. НЕ СЕ ПРЕДАВАМЕ!“, рече Клетников.

izvor: http://www.mkd.mk/makedonija/politik...or-fotovideo#1

[George S.]

the people must awaken that the bucharest treaty has no bearing on them at all this is 100 years later.If one part of macedonia can declare their independence so can the rest.In the mean time stop all name negotiations.

[George S.]

Macedonia does the weirdest things like actually negotiating their identity if they can call themselves.Isnt there a principle of self identification.No one has a right to tell you who you are.Not soime bs about being a slav & not a macedonian.We are macedonian through & through.

[DedoAleko]

Отворено писмо до политичките лидери: Притисокот за името – нов букурешки договор

Групата Македонски манифест упати отворено писмо до политичките лидери во Република Македонија со кое предупредува дека промената на името ќе значи геноцид врз македонскиот народ преку ликвидација на идентитетот.

Ви го пренесуваме писмото интегрално:

И по сто години од Букурешкиот договор судбината на Македонија е под неговата заканувачка сенка. Над Македонија е надвиснат облакот на новите црни бури што треба да ја доуништат. Ќе се лажеме ли сè уште или свесно ќе признаеме дека промената на името значи геноцид врз македонскиот народ преку ликвидација на идентитетот?

И денес, како и пред сто години, заговорници на тој холокауст се големите европски нации скриени зад божемната хуманистичка маска на Европската унија, само што сега за нашето уништување се игра на крајно софистициран и перфиден начин кој треба да не доведе до промена на името со наша согласност, што ќе рече до самоуништување. Тоа значи дека ни по сто години кобниот Букурешт за нас не е завршен. Разликата денес е во тоа што оние кои пред сто години ја парчосуваа Македонија сега работат на ликвидација на нашиот идентитет, засилени со уште една империјална сила – САД.

Грција, која сака целосно да ја уништи Македонија е поддржана во нејзиниот геноциден фашистички концепт токму од овие сили, а за нас како земја врз која се врши нечовечки експеримент, не важат човековите права, судските пресуди на меѓународните судови и правилата на Обединетите нации кои важат за сите други. Ќе дозволиме ли да се самоукинеме како Македонци и тоа сега кога конечно изградивме сопствена држава!? Ќе дозволиме ли безимени да влеземе во ЕУ и во НАТО?

Затоа им се обраќаме на политичките лидери, на претседателот, на премиерот и на водачите на опозицијата, од кои бараме, без завиткан политички јазик, да кажат на какви позиции стојат: дали веќе го прифативте обезличувањето или сте спремни да застанете во одбрана на името? Сакаме да знаеме дали за вас е прифатлив предлогот Горна Република Македонија ставен на маса без да ни се каже што се нуди под маса? Дали веќе се подготвуваат и се печатат листовите за референдум на кој треба да се стави она што за нас е свето и вековно, затоа што овој молк фрустрира и измачува? Kако инаку да ја толкуваме изјавата на германскиот пратеник за Југоисточна Европа, Ернст Рејчел кој јавно кажа дека предлогот за името на Нимиц бил прифатен од македонска страна и дека сега се чека ставот на Грција? Вистина ли е?

Ќе може ли конечно македонскиот народ да дознае од нашите политички лидери или со нашите чувства ќе си играат европските бирократи? Ќе чуеме ли што крие во пакетот Горна Република Македонија или ќе не ставите пред свршен чин на референдум, кога партиско-политичката машинерија ќе биде спремна да одработи како со референдумот од 2004 година за територијалната поделба?

Дали овие прашања заслужуваат одговор или по којзнае кој пат ќе бидеме изиграни како Македонци и доведени до потпишување капитулација и ќе се збогуваме од автентичното постоење, од сопствениот идентитет, оти ние сме убедени дека поместување на само една буква од името е губење на идентитетот. Тоа би било рамно на самоуништување.

Јавно го повикуваме македонскиот народ да биде буден и ако затреба да биде спремен со сите можни средства да се спротивстави на новиот букурешки договор за наша идентитетска ликвидација.



Иницијативниот одбор

на групата Македонски манифест

izvor: http://toppost.mk/2013/08/27/%D0%BE%...D1%80%D0%B8-2/