Tweet
СKАНДАЛОЗНА ПОСТАПKА НА БАЧKИОТ ЕПИСKОП
Македонија го фати во лага српскиот владика Иринеј
Епископот бачки Иринеј на СПЦ самоволно му го уфрлил зборот псевдоцрква на вселенскиот патријарх Вартоломеј кога тој зборувал за МПЦ-ОА при преводот на неговото обраќање на неделната прослава на годишнината на Миланскиот едикт во Ниш. Имено, зборот псевдо патријархот Вартоломеј воопшто не го употребил во оригиналниот текст, туку тој бил додаден од страна на српскиот владика, кој е познат негатор на правото на Македонската црква на автокефалност. Ова произлезе од вчерашната прес-конференција одржана во Белград и на која митрополит Емауил, во присуство на Иринеј, кој, исто така, беше преведувач, соопшти што точно било напишано во говорот на неговиот поглавар.
- Ерарсите стануваат прогонети, како на пример, високопреосвештени љубен брат наш архиепископот охридски г. Јован. Свештеници, монаси, монахињи, верници и лаици биваат прогонети за зборот Божји бидејќи го почитуваат канонскиот поредок, признаваат дека духовно припаѓаат или се подложни на канонските цркви, а не се вклучуваат во антиканонски, од државни чинители потпомогнати, црковни формации или организации, изјави митрополитот Емауил, во вчерашниот превод на епископот Иринеј
Оние што не присуствувале на прес-конференцијата можеа да ја слушнат тонската снимка на овој исказ преку линкот на црковното радио на СПЦ www.slovoljubve.com, на која во 16. минута и 35. секунда од прес-конферецијата цариградскиот владика кажува што кажал неговиот патријарх.
Ова е цитат сосема поинаков од квалификацијата што во преводот на неделниот собир во Ниш ја искажал при преводот бачкиот владика Иринеј. Тој, тогаш, го изговори следниот превод:
- Свештеници, монаси, монахињи, верници и лаици биваат прогонети за зборот Божји бидејќи го почитуваат канонскиот поредок, признаваат дека се духовно подложни на канонските цркви и не сакаат и не пристануваат да се вклучат во антиканонски, од државни чинители потпомогнати, псевдоцрковни организации...
Дека ова е навистина така и дека српскиот владика го уфрлил зборот псевдо лесно може да се види и од линкот на кој е поставена снимката од свеченоста во Ниш. На линкот ομιλία *ατριάρχου Βαρθολομαίου στη πόλη ΝΙΣ της Σερβίας 6.10.2013 - YouTube, во 21. минута и 37. секунда од снимката јасно се слуша што точно кажал овој владика кој вчера жестоко ја обвини МПЦ-ОА дека лажно го обвинила за тоа дека направил фалсификат во говорот.
- Таквото обвинување веројатно е резултат на дефицит во нивната црковна свест како последица од нивното долго престојување во расколот. Ние се трудиме да ја залечиме таа рана, но таа не може да се залечи на пучистички начин или со потчинувањето на црквата на партиските програми, туку само со евангелски и канонски средства - нагласи тој.
Портпаролот на МПЦ-ОА владиката Тимотеј и другите владици, во своја прва реакција на искажаните ставови на вселенскиот патријарх дека МПЦ-ОА е парацрква изјавија дека не веруваат дека патријархот Вартоломеј можел да каже таква навреда.
- Снимките само покажуваат дека сум имал право кога сум рекол дека не верувам дека вселенскиот патријарх кажал дека сме парацрква. Треба да знаете на што с` е подготвен српскиот епископ за да не се изненадите од тоа што го направил. Тоа е дрскост кон вселенскиот патријарх, ни изјави вчера владиката Тимотеј.
Од друга страна, цариградскиот владика и вчера отворено ја поддржа СПЦ кога е во прашање нејзиниот однос кон македонското црковно прашање.
- Се надевам дека тие ќе ја прифатат оваа порака. СПЦ е маченичка црква и ја има поддршката на православните цркви. Некои нејзини деца исчезнаа во војните, а некои духовно пропаѓаат во антиканонски формации - нагласи митроплит Емауил.
СПЦ ја повлече тонската снимка од Ниш
На веб-страницата на СПЦ вчера ја снема тонската снимка од преводот на владиката Иринеј на излагањето на вселенскиот патријарх. Таа снимка беше поставена завчера и на неа јасно можеше да се види и слушне што точно кажал српскиот владика. Благодарение на фактот што оваа снимка била поставена и на социјалната мрежа Јутјуб можеше да се утврди дека преводот го збогатил со својот збор псевдоцрковна организација.
izvor: http://dnevnik.mk/?ItemID=276741B35A...7C8E9E2BC1FE51
ομιλία *ατριάρχου Βαρθολομαίου στη πόλη ΝΙΣ της Σερβίας 6.10.2013 - YouTube
Македонија го фати во лага српскиот владика Иринеј
Епископот бачки Иринеј на СПЦ самоволно му го уфрлил зборот псевдоцрква на вселенскиот патријарх Вартоломеј кога тој зборувал за МПЦ-ОА при преводот на неговото обраќање на неделната прослава на годишнината на Миланскиот едикт во Ниш. Имено, зборот псевдо патријархот Вартоломеј воопшто не го употребил во оригиналниот текст, туку тој бил додаден од страна на српскиот владика, кој е познат негатор на правото на Македонската црква на автокефалност. Ова произлезе од вчерашната прес-конференција одржана во Белград и на која митрополит Емауил, во присуство на Иринеј, кој, исто така, беше преведувач, соопшти што точно било напишано во говорот на неговиот поглавар.
- Ерарсите стануваат прогонети, како на пример, високопреосвештени љубен брат наш архиепископот охридски г. Јован. Свештеници, монаси, монахињи, верници и лаици биваат прогонети за зборот Божји бидејќи го почитуваат канонскиот поредок, признаваат дека духовно припаѓаат или се подложни на канонските цркви, а не се вклучуваат во антиканонски, од државни чинители потпомогнати, црковни формации или организации, изјави митрополитот Емауил, во вчерашниот превод на епископот Иринеј
Оние што не присуствувале на прес-конференцијата можеа да ја слушнат тонската снимка на овој исказ преку линкот на црковното радио на СПЦ www.slovoljubve.com, на која во 16. минута и 35. секунда од прес-конферецијата цариградскиот владика кажува што кажал неговиот патријарх.
Ова е цитат сосема поинаков од квалификацијата што во преводот на неделниот собир во Ниш ја искажал при преводот бачкиот владика Иринеј. Тој, тогаш, го изговори следниот превод:
- Свештеници, монаси, монахињи, верници и лаици биваат прогонети за зборот Божји бидејќи го почитуваат канонскиот поредок, признаваат дека се духовно подложни на канонските цркви и не сакаат и не пристануваат да се вклучат во антиканонски, од државни чинители потпомогнати, псевдоцрковни организации...
Дека ова е навистина така и дека српскиот владика го уфрлил зборот псевдо лесно може да се види и од линкот на кој е поставена снимката од свеченоста во Ниш. На линкот ομιλία *ατριάρχου Βαρθολομαίου στη πόλη ΝΙΣ της Σερβίας 6.10.2013 - YouTube, во 21. минута и 37. секунда од снимката јасно се слуша што точно кажал овој владика кој вчера жестоко ја обвини МПЦ-ОА дека лажно го обвинила за тоа дека направил фалсификат во говорот.
- Таквото обвинување веројатно е резултат на дефицит во нивната црковна свест како последица од нивното долго престојување во расколот. Ние се трудиме да ја залечиме таа рана, но таа не може да се залечи на пучистички начин или со потчинувањето на црквата на партиските програми, туку само со евангелски и канонски средства - нагласи тој.
Портпаролот на МПЦ-ОА владиката Тимотеј и другите владици, во своја прва реакција на искажаните ставови на вселенскиот патријарх дека МПЦ-ОА е парацрква изјавија дека не веруваат дека патријархот Вартоломеј можел да каже таква навреда.
- Снимките само покажуваат дека сум имал право кога сум рекол дека не верувам дека вселенскиот патријарх кажал дека сме парацрква. Треба да знаете на што с` е подготвен српскиот епископ за да не се изненадите од тоа што го направил. Тоа е дрскост кон вселенскиот патријарх, ни изјави вчера владиката Тимотеј.
Од друга страна, цариградскиот владика и вчера отворено ја поддржа СПЦ кога е во прашање нејзиниот однос кон македонското црковно прашање.
- Се надевам дека тие ќе ја прифатат оваа порака. СПЦ е маченичка црква и ја има поддршката на православните цркви. Некои нејзини деца исчезнаа во војните, а некои духовно пропаѓаат во антиканонски формации - нагласи митроплит Емауил.
СПЦ ја повлече тонската снимка од Ниш
На веб-страницата на СПЦ вчера ја снема тонската снимка од преводот на владиката Иринеј на излагањето на вселенскиот патријарх. Таа снимка беше поставена завчера и на неа јасно можеше да се види и слушне што точно кажал српскиот владика. Благодарение на фактот што оваа снимка била поставена и на социјалната мрежа Јутјуб можеше да се утврди дека преводот го збогатил со својот збор псевдоцрковна организација.
izvor: http://dnevnik.mk/?ItemID=276741B35A...7C8E9E2BC1FE51
ομιλία *ατριάρχου Βαρθολομαίου στη πόλη ΝΙΣ της Σερβίας 6.10.2013 - YouTube
Comment