I saw Bajaga in the crowd, it's nice to have so many popular supporters in the arena.
I went over the game again and i suggest to everyone to watch it and those who dont like basketball just look at the atmosphere the crowd was awesome and when we play like that i cant see anybody beating us. It makes me feel very proud to be Macedonian.
Luol Deng is worth $73 million and we made him look very ordinary, Bo McCalebb put alot of pressure on him thats for sure.
Nice to see the American Ambassador in a Macedonian shirt along with his wife, Antonio Milososki in a Vardar shirt tops the lot.
КОШАРКА - СО УБЕДЛИВИОТ ТРИУМФ НАД ВЕЛИКА БРИТАНИЈА
Македонија на Европското првенство во Литванија
МАКЕДОНИЈА-ВЕЛИКА БРИТАНИЈА 75:56
(22:14, 21:13, 15:11, 17:18)
СКОПЈЕ. - Сала: "Борис Трајковски". Гледачи: 8.000. Судии: Радовиќ (Хрватска), Конде (Шпанија), Коромилас (Грција).
МАКЕДОНИЈА: Мираковски 10, Соколов 7, Стефанов 6, В. Стојановски, Д. Стојановски, Гечевски 11, Антиќ 9, Симоновски, Чековски, Самарџиски 12, Меккејлеб 20, Гоцевски.
ВЕЛИКА БРИТАНИЈА: Ачара 7, Адегбој 5, Менса-Бонсу 17, Саливан, Денг 14, Боатенг 2, Брајан-Аменинг 2, Ренкинг 9, Кларк, Бојд, Робинсон, Бејли.
Само теорија може да ја оддели македонската кошаркарска репрезентација од третото учество на европско првенство, по клучната победа во рамките на групата Б над Велика Британија дома со убедливи 75:56. Избраниците на Марин Докузовски им се одмаздија на Британците за несреќниот пораз во Њукасл, демолирајќи ги во преполната сала "Борис Трајковски", со што го направија решавачкиот чекор кон континенталниот шампионат во Литванија идната година. Македонија изби на чело на групата со 12 бода, еден повеќе од Велика Британија која е со меч помалку. Нашата селекција во најлош случај би била меѓу најдобрите две второпласирани селекции од трите квалификациски групи, што значи и пласман на ЕП. Со победа во последното коло кај БиХ и уште еден пораз на Британците, имаме шанса да останеме и на чело на групата, што би ни овозможило полесна ждрепка за Литванија.
- Знаевме што не очекува во пресрет на мечот. Бевме под голем притисок, особено по поразот во Унгарија и да бидам искрен, не очекував ваква убедлива победа. Ја одигравме најдобрата одбрана во досегашниот тек од квалификациите и успеавме целосно да го затвориме најдобриот британски играч, Луол Денг и тоа благодарение на Војдан и на Соколов - изјави Докузовски.
Натурализираниот македонски плејмејкер, Бо Меккејлеб, повторно го предводеше нападот на нашата селекција со 20 поени, но, како што посочи селекторот Докузовски, одбраната ја даде разликата на овој натпревар, за што доволно зборуваат и 25 грешки на противникот. Британците ни беа конкуренција само во првата четвртина, кога на момент водеа и со четири разлика. Радоста на гостите траеше се до седмата минута од првиот дел, кога ја презедовме контролата на мечот и веќе не им дозволивме да го почувствуваат водството, за рутинска петта победа во групата.
- Влеговме мотивирано во мечот и од старт успеавме да го лимитираме учинокот на Денг, по што беше многу полесно да се дојде до победата. Благодарност и до публиката, која безрезервно не бодреше и беше нашиот шести играч - додаде Меккејлеб. (Н.П.)
Министерот Милошоски во дрес на Вардар
Мечот со Велика Британија не мина без "гужва" во ВИП-ложата, во која седеше целиот државен врв. Меѓу првите пристигна министерот за надворешни работи Антонио Милошоски со синот, облечен во дрес на Вардар. По него се појави и нашиот претседател Ѓорге Иванов со својот син Иван. Се разбира, натпреварот не можеше да помине и без премиерот Никола Груевски, а во ложата се најде и амбасадорот на САД, Филип Рикер.
"Кутриот Денг, многу го тепавте"
Селекторот на Велика Британија, Крис Финч, се пожали по мечот дека нашите кошаркари биле премногу груби со НБА-ѕвездата Луол Денг и дека судиите требало повеќе да го заштитат.
- Денг постојано беше тепан, влечен, а судиите не свиреа ништо. Ова не е случај со Пау Гасол и со Тони Паркер, кои кога играат за своите земји, ја имаат почитта од судиите. Имаше многу фаули што Денг не ги доби - додаде Финч.
И со пораз од БиХ, одиме на ЕП
Според селекторот Докузовски, најдобра варијанта е победа над БиХ в недела, со која би го потврдиле пласманот на ЕП во Литванија 2011 година, но математиките велат дека и со пораз, само чудо може да ја спречи нашата селекција вторпат по ред да настапи на Евробаскетот. Со скор од 5-2 во групата Б, Македонија е на ЕП со 99% сигурност, но во случај на пораз ќе биде најдобра второпласирана селекција од трите квалификациски групи, зашто има плус 85 поени кош-разлика. Во групата А, Црна Гора (5-1) игра на гости со Италија (4-3) и дома со Израел (4-2). Во случај да се израмниме по бројот на победи со Италија или со Израел (Црна Гора е веќе на ЕП), имаме подобра кош-разлика од нивната.
Во групата Ц, ситуацијата е малку појасна, зашто Белгија со еден пораз досега е веќе на ЕП, а Полска (4-3), Бугарија (3-3) и Грузија (3-3) се борат за второто место. Полска има +31, Бугарија +38, а Грузија -3 кош-разлика, што е тешко веројатно дека некоја од нив ќе ја загрози Македонија со +85.
Comment