Букурешкиот договор во корист на Р.Македо

Collapse
X
 
  • Filter
  • Time
  • Show
Clear All
new posts
  • DedoAleko
    Member
    • Jun 2009
    • 969

    Букурешкиот договор во корист на Р.Македо

    Букурешкиот мировен договор во корист на Република Македонија

    Во конкретниот случај земјаваа мора да понуди свое формално-правно прифаќање на договорот од 1913 година и придружните протоколи, но со дополнување и усогласување (прецизирање) согласно денешните состојби и меѓународното право. Какви било понатамошни измени или ревизии се невозможни.



    Нема да навлегувам и да правам големи правни анализи на сите меѓународни договори од Берлинскиот конгрес од 1878 година, па се до денеска, а се во врска со Македонија. Само кратко ќе кажам дека Република Македонија мора да се соочи со фактот дека сега кога постои како држава на македонскиот народ и мора формално-правно да се изјасни во врска со Букурешкиот мировен договор од 1913 година и придружните протоколи. Со тој чин Република Македонија и македонскиот народ формално-правно ќе станат учесник во сопствената историја и во регионалните и светските меѓународни договори од минатото кои се однесуваат на сѐ што е македонско, а не само безгласен набљудувач и жртва.

    Во конкретниот случај Република Македонија мора да понуди свое формално-правно прифаќање на Букурешкиот мировен договор од 1913 година и придружните протоколи, но со дополнување и усогласување (прецизирање) согласно денешните состојби и меѓународното право. Какви било понатамошни измени или ревизии се невозможни.

    Токму фактот што Русија, САД и Кина како постојани земји членки на Советот за безбедност на ООН ја признаа Република Македонија под нејзиното уставно име, укажува на правилната позиција на Република Македонија во однос на неприкосновеното право на самоопределување на светско ниво по име и карактер. Но Франција и Велика Британија (исто и Германија) ни укажуваат дека постои една формално-правна пречка на регионално ниво која Република Македонија мора да ја премости.

    Букурешкиот мировен договор од 1913 година е од светски карактер кој уредува регионални односи и не може да се заобиколи од која било држава. Република Македонија е новопојавена држава на простор кој е директно под влијание на овој договор и мора директно и формално-правно да се изјасни во врска со овој договор.

    Дали е ова можно и што всушност значи сето ова? Грција и Бугарија (без директно да кажат), а се поддржани од ЕУ, ООН и САД, токму тоа го бараат од Република Македонија. Точно е дека со Уставот на Република Македонија се признати постоечките државни граници со соседните држави, дека Република Македонија нема да се меша во внатрешните работи на соседните држави и дека нема територијални претензии кон соседните држави. Иако овие уставни определби се во склад со овој договор, сепак се општи и неопределени.

    Во денешни услови трите држави полагаат право на називите „Македонија“ и „Македонски“. И сите три држави имаат меѓународно признат акт за тоа право. За Грција и Бугарија тоа е врз основа на Букурешкиот мировен договор од 1913 година, а Република Македонија своето право го користи врз основа на АСНОМ од 1944 година.

    Интересно е што само Република Македонија во својот меѓународен акт за правата врз дел од регионот Македонија го содржи називот „Македонија“ (АСНОМ). Само Република Македонија како држава е единствена која називот „Македонија“ го носи како државно име и која самостојно го користи називот „македонски/о/а“ како своја сеопшта карактеристика.

    Грција и Бугарија своите права за овие називи имаат меѓународен акт со наслов „мировен договор“ потпишан во градот Букурешт, Романија. Иако никаде во тој меѓународен договор и неговите протоколи не пишува „Македонија“ или „Македонски“, сепак со тој меѓународен акт за свои домашни и надворешни потреби Грција и Бугарија го користат називот „Македонија“ и „македонски“.

    И тука е проблемот. Не може три различни државни ентитети да се повикуваат на еден ист назив, на една иста карактеристика. Мора да се воспоставаат соодветни и јасни разлики. Со појавата на Република Македонија сега веќе е потребно е да се изврши прецизирање на називите „Македонија“ и „Македонски“ што ги користат Грција и Бугарија.

    Република Македонија треба да им понуди и да побара дополнување и усогласување на грчките и бугарските придобивки стекнати со Букурешкиот мировен договор од 1913 година и придружните протоколи, согласно денешните состојби и меѓународно право.

    Имено, придобивката на Грција официјално да се ословува како „грчка Македонија“ со соодветен „грчко-македонски“ карактер, а придобивката на Бугарија официјално да се ословува како „бугарска Македонија“, со „бугарско-македонски“ карактер за соодветните нивни надворешни и домашни односи или како што самите милуваат „кон сите“ (erga omnes). Секако воспоставени со Букурешкиот договор од 1913 година. Нели самите грчки дипломати бараат да не им се чепка во „грчка Македонија“...

    На овој начин соодветните состојби добиваат свое место, време и карактер, согласно историските збиднувања. На тој начин регионот Македонија официјално ќе се подели меѓу самостојната држава Република Македонија и во друштво со областите грчка-Македонија и бугарска-Македонија.

    Сега е време Република Македонија да го искористи Букурешкиот мировен договор од 1913 година во своја корист. Правно и дипломатски сметам дека Република Македонија треба одлучно и директно да се повика на Букурешкиот мировен договор од 1913 година и таков каков што е да го признае, прифати и да побара истиот да биде дополнет и усогласен (прецизиран) со денешните состојби на меѓународното право.

    Ова не е во спротивно со постоечките меѓународни договори и е во согласност со самиот Букурешки мировен договор од 1913, а и со Версајскиот мировен договор. Нели!

    А сите чекаат на нас...

    Адвокат од Република Македонија

    izvor: http://www.mkd.mk/kolumni/bukureshki...ika-makedonija
Working...
X