Tweet
Република Македонија и Сириската Арапска Република, вчера во Њујорк, за време на 65-тото заседание на Генералното собрание на ООН, воспоставија дипломатски односи на амбасадорско ниво.
Министерот за надворешни работи Антонио Милошоски и неговиот сириски колега Валид Ал-Муалем, го потпишаа заедничкото коминике, кое, согласно протоколот на ОН, ќе биде дистрибуирано до сите земји членки.
- Односите меѓу двете држави, според коминикето, ќе се развиваат согласно принципите на заемно почитување, пријателство, немешање во внатрешните работи, како и признавање на територијалниот интегритет и суверенитет на двете земји. Воедно, со овој чин се отвораат пошироки можности за соработка меѓу Сирија и Македонија во сите области од заеднички интерес, се наведува во соопштението од Министерството за надворешни работи.
За време на разговорите меѓу двајцата министри, се наведува, била најавена можноста за посета на сирискиот шеф на дипломатијата на Република Македонија во текот на следната година.
Иницијативата за воспоставување дипломатски врски со официјален Дамаск беше покрената во април 2007 година, за време на официјалната посета на министерот Милошоски на Сирија.
Сирија е 129-тата земја која официјално го призна уставното име на Република Македонија.
izvor: http://sitel.com.mk/dnevnik/makedoni...-ustavnoto-ime
Министерот за надворешни работи Антонио Милошоски и неговиот сириски колега Валид Ал-Муалем, го потпишаа заедничкото коминике, кое, согласно протоколот на ОН, ќе биде дистрибуирано до сите земји членки.
- Односите меѓу двете држави, според коминикето, ќе се развиваат согласно принципите на заемно почитување, пријателство, немешање во внатрешните работи, како и признавање на територијалниот интегритет и суверенитет на двете земји. Воедно, со овој чин се отвораат пошироки можности за соработка меѓу Сирија и Македонија во сите области од заеднички интерес, се наведува во соопштението од Министерството за надворешни работи.
За време на разговорите меѓу двајцата министри, се наведува, била најавена можноста за посета на сирискиот шеф на дипломатијата на Република Македонија во текот на следната година.
Иницијативата за воспоставување дипломатски врски со официјален Дамаск беше покрената во април 2007 година, за време на официјалната посета на министерот Милошоски на Сирија.
Сирија е 129-тата земја која официјално го призна уставното име на Република Македонија.
izvor: http://sitel.com.mk/dnevnik/makedoni...-ustavnoto-ime
Comment