Tweet
Грчката „вистина“ е купена !!!
Дел од нашите научници сметаат дека нема потреба да реагираат на писмото бидејќи е само уште една пропаганда што е дебело платена од страна на Грција
Македонските научници се' уште не реагирале на провокативното писмо за историјата на Македонија што го потпишаа 200 професори и академици од највисоките светски универзитети и на 18 мај му го испратија на американскиот претседател Барак Обама. Автор на писмото е Стивен Г. Милер, почесен професор по класична археологија на Универзитетот „Беркли“ во Калифорнија. Во дополнета и изменета варијанта на текстот објавена на интернет, Милер предлага Грција да ја анектира Македонија, а „тие што се нарекуваат Македонци да станат народот на најновата грчка провинција“.Дел од нашите научници сметаат дека нема потреба да реагираат на писмото бидејќи е само уште една пропаганда што е дебело платена од страна на Грција. Сепак, зачудува фактот што идеите на научник со олку екстремни идеи ги поддржале 200 научници од целиот свет.
На писмото досега реагираа само македонските иселеници од САД и од Канада. Тие испратиле писмо до Обама, како одговор на засилената пропаганда на грчката дијаспора. Бидејќи сметаат дека ќе влијаат на барањето САД да ја изменат одлуката за признавање на Македонија под уставното име, тие документот ќе го пратат и до неколку реномирани американски универзитети. Веројатно својот став ќе го каже и Македонската академија на науките на уметностите. Највисоката научна институција во земјава формира тело што требаше да почне да го разгледува случајот за да се изјасни.
НАУКАТА НЕ Е ЗАСЕГНАТА
Странските научници бараат од Обама да интервенира „за да се исчисти дел од историскиот смет оставен во југоисточна Европа од претходната администрација на САД“. Ние веруваме дека оваа глупост отиде предалеку и дека САД немаат работа да поддржуваат субверзија на историјата. Земјата за која станува збор, со Скопје како современ главен град, беше наречена Пајонија во древноста. Ние не разбираме како современите жители на Пајонија, кои зборуваат словенски, јазик воведен на Балканот околу милениум по смртта на Александар, може да го присвојуваат како свој национален херој. Кражбата на Филип и на Александар од земја која никогаш не била Македонија не може да биде оправдано. Како сака некој да го карактеризира таквото однесување, тоа јасно не е сила за историска точност ниту за стабилност на Балканот. Тажно е што САД го помогнаа и поттикнаа таквото однесување. Ве повикуваме вас, г. Претседател, да помогнете на кој било начин што го сметате за соодветен Владата во Скопје да разбере дека не може да изгради национален идентитет на трошок на историската вистина. Нашето заедничко меѓународно општество не може да преживее кога историја е игнорирана, уште помалку кога историјата е фабрикувана - пишува, меѓу другото, во писмото.
Според археологот и професор Драги Митревски, раководител на катедрата за археологија на Филозофскиот факултет во Скопје, оваа проблематика е во сфера на пропаганда, политика, купување, обврзување, лобирање. Во секое време можете да соберете потписи, само треба да ви е полн џебот. Овој проблем е на ниво на политика, а не на наука. Ударот не е зададен на науката, туку кон политиката. Дали имаме античко културно наследство? Зарем тоа треба да се објаснува, уште помалку да се докажува?! На ниво на научни собири и симпозиуми овие проблеми не постојат - вели професор Митревски.
ИСТОРИЈАТА НЕ СЕ МЕНУВА
Со него се согласува д-р Тодор Чепреганов, директор на Институтот за национална историја. Според него, во овие услови сосема е нормален гестот на Грција да вложува многу средства за да анимира дел од научната јавност.
- Тие врбуваат научници за да потпишуваат документи и да ја фризираат историјата на Грција. Грците вложуваат многу пари за да анимираат научници да застанат на нивна страна. Но, тоа е само моментална политичка ситуација. Прво, имате американска влада која досега не' поддржувала, сега има друга администрација која го менува својот став... - објаснува тој.Чепреганов смета дека Грција мора да поведе интензивна пропаганда, да вложува, да врбува научници подложни на тоа за да пласираат свои тези. Но, смета тој, ова е моментна политичка ситуација, бидејќи историјата не може да се менува - тоа што е македонска историја ќе си остане.
- Денеска тоа се случува и во науката: кој ќе даде повеќе пари, на тој документ ќе се потпишат. Ова е битка што Грците долго ја водат, но не може да имаат успех. Македонија има своја долговековна историја, традиција, култура, јазик, литература. Тоа не може да го поништи ниту една декларација, без разлика кој ја потпишал. Нашето егзистирање, постоењето на Македонија никогаш не зависело од волјата на некои политички одлуки. Сме опстанале толку време без држава, па денес, кога живееме во суверена Македонија, во овие услови, пропагандата не е никаква опасност. Ова се само диверзии на определени грчки кругови кои се' уште не можат да прифатат дека постои македонска нација. Тој став е однапред осуден на пропаст - вели Чепреганов.
Тешки потписи
Меѓу професорите што го потпишале писмото се Хери Ејвери, професор по класични науки од Универзитетот во Питсбург, Луиџи Бесчи, професор по класична археологија на Универзитет во Фиренца, Пол Картлиџ, професор по грчка култура на „Кембриџ“, Паво Кастрен, професор по класична филологија на Универзитетот во Хелсинки, Вилијам Кевенег, професор по егејска праисторија на Универзитетот во Нотингем, Кетлин М. Колман од „Харвард“, Мостафа Ел-Абади од Универзитетот во Александрија, Ник Фишер, професор по античка историја на Универзитет во Кардиф, Јулија Луговаја од Универзитетот „Колумбија“ и многу други.
Патописец од Лезбос виде Македонци
Тие не сакаат да бидат ниту Бугари, ниту Срби, ниту Грци, само Македон православни, запис е на познатиот грчки патописец Стратис Миривилис, кој во 1924 година поминал низ Македонија. Своите сведоштва за посебноста на македонското население тој ги оставил во книгата „Живот во гроб“, а чии делови може да се најдат на електронските страници на интернет-енциклопедијата „Википедија“ на грчки јазик. Во деловите на текстовите што се посветени на „ПЈРМ“, Стратис Миривилис - кој е Грк од островот Лезбос, за јазикот на населението го запишал и следново: Јазикот одлично им го разбираат и Србите и Бугарите, имаат антипанија за првите бидејќи им ги земаа децата во војска. Ги мразат вторите што ги злоупотребуваат за Бугари...“
Македонските научници се' уште не реагирале на провокативното писмо за историјата на Македонија што го потпишаа 200 професори и академици од највисоките светски универзитети и на 18 мај му го испратија на американскиот претседател Барак Обама. Автор на писмото е Стивен Г. Милер, почесен професор по класична археологија на Универзитетот „Беркли“ во Калифорнија. Во дополнета и изменета варијанта на текстот објавена на интернет, Милер предлага Грција да ја анектира Македонија, а „тие што се нарекуваат Македонци да станат народот на најновата грчка провинција“.Дел од нашите научници сметаат дека нема потреба да реагираат на писмото бидејќи е само уште една пропаганда што е дебело платена од страна на Грција. Сепак, зачудува фактот што идеите на научник со олку екстремни идеи ги поддржале 200 научници од целиот свет.
На писмото досега реагираа само македонските иселеници од САД и од Канада. Тие испратиле писмо до Обама, како одговор на засилената пропаганда на грчката дијаспора. Бидејќи сметаат дека ќе влијаат на барањето САД да ја изменат одлуката за признавање на Македонија под уставното име, тие документот ќе го пратат и до неколку реномирани американски универзитети. Веројатно својот став ќе го каже и Македонската академија на науките на уметностите. Највисоката научна институција во земјава формира тело што требаше да почне да го разгледува случајот за да се изјасни.
НАУКАТА НЕ Е ЗАСЕГНАТА
Странските научници бараат од Обама да интервенира „за да се исчисти дел од историскиот смет оставен во југоисточна Европа од претходната администрација на САД“. Ние веруваме дека оваа глупост отиде предалеку и дека САД немаат работа да поддржуваат субверзија на историјата. Земјата за која станува збор, со Скопје како современ главен град, беше наречена Пајонија во древноста. Ние не разбираме како современите жители на Пајонија, кои зборуваат словенски, јазик воведен на Балканот околу милениум по смртта на Александар, може да го присвојуваат како свој национален херој. Кражбата на Филип и на Александар од земја која никогаш не била Македонија не може да биде оправдано. Како сака некој да го карактеризира таквото однесување, тоа јасно не е сила за историска точност ниту за стабилност на Балканот. Тажно е што САД го помогнаа и поттикнаа таквото однесување. Ве повикуваме вас, г. Претседател, да помогнете на кој било начин што го сметате за соодветен Владата во Скопје да разбере дека не може да изгради национален идентитет на трошок на историската вистина. Нашето заедничко меѓународно општество не може да преживее кога историја е игнорирана, уште помалку кога историјата е фабрикувана - пишува, меѓу другото, во писмото.
Според археологот и професор Драги Митревски, раководител на катедрата за археологија на Филозофскиот факултет во Скопје, оваа проблематика е во сфера на пропаганда, политика, купување, обврзување, лобирање. Во секое време можете да соберете потписи, само треба да ви е полн џебот. Овој проблем е на ниво на политика, а не на наука. Ударот не е зададен на науката, туку кон политиката. Дали имаме античко културно наследство? Зарем тоа треба да се објаснува, уште помалку да се докажува?! На ниво на научни собири и симпозиуми овие проблеми не постојат - вели професор Митревски.
ИСТОРИЈАТА НЕ СЕ МЕНУВА
Со него се согласува д-р Тодор Чепреганов, директор на Институтот за национална историја. Според него, во овие услови сосема е нормален гестот на Грција да вложува многу средства за да анимира дел од научната јавност.
- Тие врбуваат научници за да потпишуваат документи и да ја фризираат историјата на Грција. Грците вложуваат многу пари за да анимираат научници да застанат на нивна страна. Но, тоа е само моментална политичка ситуација. Прво, имате американска влада која досега не' поддржувала, сега има друга администрација која го менува својот став... - објаснува тој.Чепреганов смета дека Грција мора да поведе интензивна пропаганда, да вложува, да врбува научници подложни на тоа за да пласираат свои тези. Но, смета тој, ова е моментна политичка ситуација, бидејќи историјата не може да се менува - тоа што е македонска историја ќе си остане.
- Денеска тоа се случува и во науката: кој ќе даде повеќе пари, на тој документ ќе се потпишат. Ова е битка што Грците долго ја водат, но не може да имаат успех. Македонија има своја долговековна историја, традиција, култура, јазик, литература. Тоа не може да го поништи ниту една декларација, без разлика кој ја потпишал. Нашето егзистирање, постоењето на Македонија никогаш не зависело од волјата на некои политички одлуки. Сме опстанале толку време без држава, па денес, кога живееме во суверена Македонија, во овие услови, пропагандата не е никаква опасност. Ова се само диверзии на определени грчки кругови кои се' уште не можат да прифатат дека постои македонска нација. Тој став е однапред осуден на пропаст - вели Чепреганов.
Тешки потписи
Меѓу професорите што го потпишале писмото се Хери Ејвери, професор по класични науки од Универзитетот во Питсбург, Луиџи Бесчи, професор по класична археологија на Универзитет во Фиренца, Пол Картлиџ, професор по грчка култура на „Кембриџ“, Паво Кастрен, професор по класична филологија на Универзитетот во Хелсинки, Вилијам Кевенег, професор по егејска праисторија на Универзитетот во Нотингем, Кетлин М. Колман од „Харвард“, Мостафа Ел-Абади од Универзитетот во Александрија, Ник Фишер, професор по античка историја на Универзитет во Кардиф, Јулија Луговаја од Универзитетот „Колумбија“ и многу други.
Патописец од Лезбос виде Македонци
Тие не сакаат да бидат ниту Бугари, ниту Срби, ниту Грци, само Македон православни, запис е на познатиот грчки патописец Стратис Миривилис, кој во 1924 година поминал низ Македонија. Своите сведоштва за посебноста на македонското население тој ги оставил во книгата „Живот во гроб“, а чии делови може да се најдат на електронските страници на интернет-енциклопедијата „Википедија“ на грчки јазик. Во деловите на текстовите што се посветени на „ПЈРМ“, Стратис Миривилис - кој е Грк од островот Лезбос, за јазикот на населението го запишал и следново: Јазикот одлично им го разбираат и Србите и Бугарите, имаат антипанија за првите бидејќи им ги земаа децата во војска. Ги мразат вторите што ги злоупотребуваат за Бугари...“
